Vrijeme je za kestenje: malo kalorija, mnogo vitamina C

 Vrijeme je za kestenje: malo kalorija, mnogo vitamina C

Ilustracija

Jedna od najboljih strana jeseni svakako je – kestenje. Volimo ih pečene, kuvane, u pireu, u kolačima ili mermeladama. Uživajmo u njima bez griže savjesti, jer dokazano imaju bezbroj blagotvornih efekata na naše zdravlje.

Zato je pravo vrijeme da iskoristimo sezonu mnogima omiljene poslastice. Evo kako da vam ispadne baš kako treba.

Za početak, potrebno vam je svježe kestenje i nož.

U rerni

Kod pripreme u rerni kesetenje prerežite. Stavite u pleh i prelijete malo vodom. Rerna neka bude zagrijana na najjače.  Gotovi su, zavisno od veličine, za otprilike 10 do 20 minuta.

Kako biste kestenje nakon pečenja lakše i brže guli, dok je još vruće stavite ga u vlažnu krpui ostavite da stoji nekoliko minuta.

Kuvanje u loncu

Ako se odlučite za kuvanje u loncu tada plodove stavite u hladnu, malo posoljenu vodu. Sitnije kestenje se kuva oko pola sata, a krupnije do sat vremena.

ZAŠTO KONZUMIRATI KESTENJE ?

Jeste li  znali da je kestenje jedna od prvih namirnicakoje je čovjek upoznao i konzumirao u svojoj istoriji? Osim što je ukusno,kestenje je dobro za naše zdravlje. Imaju cio niz blagotvornih efekata na ljudski organizam, a ovo su najvažniji:

1. Jedini je orašasti plod sa malo masti 

Kesten je, poput većine ostalih orašastih plodova,kaloričniji od tipičnog voća. Sto grama sirovog kestena ima oko 130 kalorija. Po svom sastavu jako je sličan smeđem pirinču, sadrži mnogo skroba, ali istovremeno je jedini orašasti plod koji ima malo masti. Zbog prisutnosti skroba odličan je za djecu i sportiste kao i sve ostale izložene većim fizičkim naporima.

2. Ima puno vitamina C 

Jeste li znali da je kesten jedino orašasto voće s vitaminom C ? Zapravo, toliko je bogat vitaminom C da svega 100 grama kestena pokriva više od 50 posto dnevne potrebe za vitaminom C. Osim toga, sadrži vitamin A i B, kao i brojne minerale među kojima se ističe kalcijum. Važno je reći da se ovi nutritivni elementi ne gube pri termičkoj obradi kestena. Plod, naime, štiti debela kora koja spriječava gubitak tih važnih materija.

3. Prepun je folne kiseline

Oko sto grama kestena nudi 62 mikro grama folata. Folna kiselina  je jako važna za rast ćelija,sintezu DNA i normalan rad nervnog sistema. Sve to zapravo vodi ka tome da je posebno važna za trudnice, jer omogućava pravilan razvoj djeteta. Dakle, ako ste trudni, na listu trudničkih želja svakako uvrstite porciju kestena dnevno. Mogao bi da vas spase (ne baš toliko ukusnih) tableta s folnom kiselinom!

4. Važan izvor vlakana 

Za razliku od nekih drugih orašastih plodova, kesten nije teško probavljiv. Navodno ne zadaje poteškoće ni ljudima koji imaju probleme s probavom.  Tako nešto je i očekivano zbog visokog procenta vlakana u plodu. U funkciji unosa vlakana, kesten privremeno može da zamijeni jabukekojih ćete se tokom duge zime svakako najesti.


5. Pomaže izabacivanju viška vode iz tijela 

Ako imate problema sa zadržavanjem viška vode u organizmu, kesten je vaš saveznik. Podstaći će izbacivanje viška vode i djelovati protivupalno. Preporučuje se, poput lubenice, bubrežnim bolesnicima. I ženama u PMS-u, ako smijemo da dodamo!

Izvor: ekskluziva

Avatar

Portal Ulcinj

Pročitajte još